Pasi u dhunua shtazërisht nga ish bashkëshorti i saj, në mes të rrugës, në sy të fëmijëve, në një video që u bë virale ditën e djeshme të gjithë filluan të flasin dhe të mëshirojnë Marselën, gruan e divorcuar që jeton me tre fëmijë në kushte çnjerëzore.
Gazetari i News24, Enrik Mehmeti ka shkuar sot në banesën ku Marsela jeton me fëmijët e saj në kushte shumë të këqija, mes lagështirës dhe mungesës së energjisë.
Nisur nga këto kushte për gruan është hapur edhe një numër llogarie ku mund ta ndihmoni.
“Drama e gruas që u dhunua ditën e djeshme është më shumë se ajo që u pa në video. Sot shkuam në shtëpinë e Marselës, e cila doli nga spitali pa lejen e mjekëve me vigonin në dorë, për të treguar gjendjen e mjerueshme në të cilën jeton dhe për të bërë një apel për ndihmë. Kushtet në shtëpinë që rrit tre fëmijët e mitur, ku paguan një qera mujore prej 2000 lekësh të reja, janë shumë të kqija, pa energji elektrike, në mes të lagështirës, pa asnjë kusht minimal. Pjesa ku pamë video dhe na shokoi kaloi, sot është koha të japim një ndihmë konkrete. Ky është nr. i Llogarisë së zonjës për kë ka mundësi dhe dëshirë për ta ndihmuar. Ju lutem jepini SHPERNDAJ / SHARE numrit të Llogarisë Marsela Lavdosh Caushaj ,528000679 ,Banka Kombetare Tregtare sepse ndoshta dikush që nuk ka informacion mund të japi kontributin e tij..Apeli i plotë pas pak ne Neës 24”,- shkruan Mehmeti në një status në Facebook.
Marsela është gruaja e cila u dhunua dje me shkelma e grushta, ndërsa në duar shtrëngon fëmijët e saj. Këto pamje tronditese bënë dje xhiron ne internet, ndërsa komentet negative kundër xhestit të ish-bashkëshortit të saj ishin të shumta. Ngjarja u shënua dje në Vlorë, tek Bregu ose sic njihet ndryshe zona e Lumit te Vlorës. Notat dramatike të videos së dhunës i shton fëmija 4-vjeçar që qan e ulërin, e megjithë të qarat, burri nuk ndalet.
Më pas Marsela deklaroi se nuk ishte hera e parë që dhunohej nga ish-bashkëshorti madje më herët gjykata kishte dhene urdher mbrojtje për të. Gruja tha se kishte 4 vjet e divorcuar, ndërsa ish bashkëshorti ishte njeri i dhunshëm dhe i alkoolizuar.
