Një 64-vjeçare holandeze është paraqitur në spitalin e Çorovodës për ndihmë mjekësore, ndërsa ka treguar se së bashku me bashkëshortin kanë hyrë të notonin në kanionet e lumit Osum.
Ajo ka njoftuar se ndërsa vetë ka arritur të shpëtojë, bashkëshortin e saj e ka marrë rrjedha e lumit.
Shërbimet e Komisariatit të Policisë Skrapar, ato të DVP Berat, si dhe shërbimet zjarrfikëse kanë shkuar menjëherë në kanion dhe po vijojnë kërkimet në lumin Osum, ndërsa në dihmë të shërbimeve të Policisë Vendore, janë nisur polumbarët e Repartit Special “RENEA”.
Skrapar/Informacion paraprak
Më datë 08.05.2023, në spitalin e Çorovodës, është paraqitur për ndihmë mjekësore shtetasja holandeze H. (V. A.) C. S., 64 vjeçe, e cila paraprakisht ka deklaruar se së bashku me bashkëshortin e saj, shtetasin J. A. S., 68 vjeç, ishin futur për të notuar në kanionet e lumit Osum.
64-vjeçarja ka mundur të dalë nga lumi, ndërsa bashkëshortin e saj e ka marrë rrjedha e ujit.
Shërbimet e Komisariatit të Policisë Skrapar, ato të DVP Berat, si dhe shërbimet zjarrfikëse kanë shkuar menjëherë në kanion dhe po vijojnë kërkimet në lumin Osum.
Në ndihmë të shërbimeve të Policisë Vendore, janë nisur polumbarët e Repartit Special “RENEA”, me qëllim gjetjen e shtetasit J. A. S.
Grupi hetimor vijon punën për sqarimin e rrethanave të rrethanave të kësaj ngjarjeje./m.j
