Tetë fëmijë gjetën vdekjen në një lumë në jugperëndim të Kinës. Mediat lokale shkruajnë se një nga fëmijët ra në lumë këtë të diel, ndërsa shtatë të tjerët u hodhën për ta shpëtuar, duke bërë që të mbyten të gjithë.
Që të gjithë fëmijët janë nga qyteti i Mixin, në periferi të Chongqing dhe kishin shkuar në lumë për të lozur bashkë.
Teksa njëri shok po përpëlitej në ujë, shtatë të tjerët u hodhën në ndihmë të tij, duke u mbytur që të gjithë.
Trupat e pajetë të fëmijëve, që të gjithë nën 14 vjeç, u nxorën nga ekipet e kërkim-shpëtimit.
Ministria kineze e shëndetësisë vlerëson se rreth 57,000 njerëz mbyten çdo vit në të gjithë vendin.
g.kosovari
