Dy persona kanë humbur jetën këtë të shtunë në një banesë në fshatin Borsh e cila ishte përfshirë nga flakët.
Mësohet se viktima kanë mbetur të moshuarit Rrapo Çika 83 vjeç dhe Savoja Çika 71 vjeçe, ndërsa ngjarja është regjistruar rreth orës 09:45.
Shkak i zjarrit dyshohet të ketë qenë një rezistencë që të moshuarit përdornin për ngrohje, e cila ka marrë flakë si pasojë e një defekti, teksa flakët janë përhapur më pas në të gjithë shtëpinë.
Fatkeqësisht çifti Çika nuk ka mundur të dalin në kohë nga banesa dhe kanë humbur jetën si pasojë e asfiksisë nga tymi.
Forcat zjarrfikëse kanë bërë të mundur shuarjen e flakëve, teksa vijojnë hetimet për zbardhjen e shkaqeve të zjarrit.
Borsh/ Informacion paraprak
Më datë 19.02.2022, rreth orës 09:45 në fshatin Borsh, Himarë, ka rënë zjarr në banesën e shtetasit Rr. C., ku si pasojë kanë ndërruar jetë shtetasi Rr. C., 83 vjeç dhe bashkëshortja e tij, shtetasja S. C., 71 vjeçe.
Dyshohet se shkak i zjarrit ka qenë një shkëndijë elektrike.
Në vendngjarje ndodhen forcat zjarrfikëse të cilat po punojnë për fikjen e zjarrit.
Vijon puna nga grupi hetimor për zbardhjen e rrethanave të ngjarjes
