Mediat greke raportojnë se ish-sulmuesi i Juventusit, Darko Kovaçeviç është qëlluar me armë zjarri pranë shtëpisë së tij në Glyfada.
Ngjarja ka ndodhur rreth orës 21:00 të së martës. Sipas mediave, 46-vjeçari serb sapo mbërriti në shtëpi, kur një automjet ndaloi dhe një person nisi të qëllojë në drejtim të ish-futbollistit, i cili arriti të fshihej, me dhimbje në gju. Ai u transportua menjëherë në spital, por pa lëndime serioze.
Autori u largua menjëherë me makinë, e cila u gjet pranë aeroportit e djegur. Kovaçeviç ka qenë pjesë e Olympiakos si futbollist, por edhe trajner.
/a.r
