Një ngjarje e rëndë ka ndodhur pasditen e sotme (20 gusht) në qendër të qytetit të Vlorës, ku një person është dhunuar barbarisht me sende të forta, grushte dhe shkelma.
Sipas informacioneve paraprake nga shërbimet e emergjencës, personi i dëmtuar ndodhet në gjendje të rëndë pas dëmtimeve të marra, kryesisht në kokë.
Me marrjen e njoftimit, ekipi mjekësor i urgjencës është nisur menjëherë drejt vendngjarjes për t’i dhënë ndihmën e parë të dëmtuarit dhe për ta transportuar me shpejtësi drejt spitalit për trajtim të specializuar.
Edhe policia ka nisur hetimet për zbardhjen e rrethanave të ngjarjes dhe identifikimin e autorit apo autorëve, teksa po mbledh dëshmitë dhe pamjet e kamerave të sigurisë.
