Sot rreth orës 19:05 tek Pallati me Shigjeta në Tiranë, një person ka tentuar të vetëdigjet. Ngjarja ka ndodhur pranë një karburanti.
Mësohet se ka tentuar të dëmtojë veten me lëndë djegëse një shtetas 60-vjeçar. Shtetasi I. Q u transportua me ambulancë për ndihmë mjekësore, pasi ka pësuar djegie në fytyrë.
“Më datë 08.02.2025, rreth orës 19:05, tek Pallati me Shigjeta, në afërsi të një karburanti ka tentuar të dëmtojë veten dyshohet me lëndë djegëse shtetasi I. Q., rreth 60 vjeç.
Shërbimet e Policisë kanë ndërhyrë në menyrë të menjëhershme duke neutralizuar përhapjen e zjarrit në trup.
Shtetasi I. Q u transportua me ambulancë për ndihmë mjekësore, pasi ka pësuar djegie në fytyrë.
Grupi hetimor po punon për sqarimin e rrethanave të rastit”, njofton policia.
