Një ngjarje e rëndë ka ndodhur mbrëmë rreth orës 23:00 në urën e fshatit Fshat në Mat, përgjatë Rrugës së Arbrit, ku një 39-vjeçar dyshohet se i ka dhënë fund jetës duke u hedhur nga lartësia rreth 150 metra.
Sipas burimeve paraprake, viktima, i cili dyshohet të jetë nipi i Nehat Kullës, ka ndaluar automjetin e tij në mes të urës, ka dalë prej tij dhe është ngjitur mbi mbrojtëset anësore. Vetëm pak çaste më vonë ai është hedhur, pa lënë asnjë shenjë që mund të tregonte motivet e veprimit ekstrem.
Policia dhe shërbimet e emergjencës u njoftuan, ndërsa ekipet kërkim-shpëtimit kanë punuar gjatë natës dhe vijojnë prej mëngjesit për gjetjen e trupit. Terreni i thepisur dhe lartësia e madhe e urës po e vështirësojnë operacionin.
Grupi hetimor po punon për të sqaruar rrethanat, ndërsa po verifikohen edhe të dhënat për identitetin dhe gjendjen e 40-vjeçarit para ngjarjes.
Njoftimi i policisë
Më datë 08.12.2025, rreth orës 23:40, tek ura e fshatit Fshat, bashkia Klos, shtetasi K.K., rreth 39 vjeç, dyshohet se është vetëhedhur nga ura dhe për pasojë, ka humbur jetën.
Si pasojë e terrenit të vështirë, pas disa orësh kërkimi nga shërbimet e Policisë dhe të Zjarrfikësve, u bë e mundur gjetja dhe nxjerrja e trupit nga gremina.
Grupi hetimor, nën drejtimin e Prokurorisë, po punon për zbardhjen e rrethanave dhe dokumentimin ligjor të ngjarjes.
