Një ngjarje e rëndë vjen nga Dibra, ku një person ka plagosur me thikë nënën dhe dy fqinjët e tij.
Ngjarja është shënuar rreth orës 11:00 të ditës së sotme, ku në policinë e Dibrës ka ardhur një telefonatë për ndihmë, pasi në fshatin Kërçisht i Epërm, Maqellarë, po ndodhte një konflikt.
Efektivët e policisë kanë shkuar në adresën e dhënë dhe falë ndërhyrjes së shpejtë është konstatuar se Florian Abazi, rreth 45 vjeç i sëmurë mendor, kishte ushtruar dhunë dhe me një thikë, ka plagosur nënën e tij shtetasen Shkëndije Abazi.
Më pas kishte dalë në rrugë duke plagosur fqinjët e tij, shtetasin Bexhet Meda, dhe shtetasen I.Meda, të cilët ndodhen për ndihmë mjekësore në spital.
Autori i dyshuar i ngjarjes është kapur nga policia dhe aktualisht po trajtohet për ndihmë mjekësore në spital.
Grupi hetimor vijon hetimet për zbardhjen dhe dokumentimin e rrethanave të ngjarjes.
/a.r
