Një efektiv policie është qëlluar me thikë mesditën e sotme në qytetin e Peshkopisë.
Ngjarja ka ndodhur rreth orës 13.30. Pas një sherri, sipas policisë, dy persona me inicialet R.M. dhe A. M. qëlluan me thikë duke plagosur efektivin me inicialet B. Z. i cili ishte jashtë shërbimit.
I plagosuri është dërguar në spital për ndihmë mjekësore dhe ndodhet jashtë rrezikut për jetën. Pas ngjarjes është kapur vetëm njëri nga autorët, R. M. i cili është shoqëruar në komisariat, ndërsa po vijon operacioni për arrestimin e personit të dytë.
“Rreth orës 13.30, në qytetin e Peshkopisë, për motive të dobëta, dyshohet se shtetasit R.M, dhe A. M, kanë plagosur me mjet prerës, shtetasin B. Z., (punonjës policie i cili ka qenë pushim jashtë shërbimit), e po merr ndihmë mjekësore në spitalin e Peshkopisë, jashtë rrezikut për jetën. Falë reagimit të menjëhershëm të shërbimeve të policisë është bërë kapja e shtetasit R. M,. i cili është shoqëruar në komisariat“, bën me dije policia.
Grupi hetimor po punon për zbardhjen e rrethanave të ngjarjes.
g.kosovari
