Në bodrumin e shtëpisë u gjet trupi i pajetë i një 38-vjeçareje në Serbi, policia e gjeti gruan të mbuluar me beton. Shtëpia gjendet në fshatin Veliko Tërnjanë afër Leskovcit në Serbi, raporton agjencia kroate e lajmeve, Index.
“Trupi është gjetur, është urdhëruar autopsia, hetimet janë duke vazhduar dhe do të vazhdojnë nesër”, tha mbrëmë për Kurir zëdhënësja e Policisë së Leskovcit, Marija Sokoloviq.
Ndonëse policia thotë se ende nuk e di identitetin e personit, trupi i të cilit u gjet, Kurir lëshoi një deklaratë duke thënë se ishte bashkëshorti i një gruaje 38-vjeçare që ka bërë denoncimin e zhdukjes së saj.
Mësohet se policia e gjeti trupin pasi i dashuri shkoi në polici dhe raportoi se 38-vjeçarja kishte vrarë burrin e saj dhe e kishte fshehur trupin në bodrumin e shtëpisë.
Trupi i pajetë i gruas është gjetur në një objekt në oborrin e shtëpisë, ndërsa pak ditë më parë u raportua për zhdukjen e saj
/e.d
