Një aktore e kategorisë D u bë milionere pasi i shoqi i la një pasuri prej 800 milionë dollarësh. Por familja e bashkëshortit të saj është tërbuar, duke thënë se aktorja është thjesht një e pacipë në kërkim të pasurisë. Një gjyqtar rrëzoi përpjekjet e familjes për të marrë pjesë nga pasuria e milionerit të vitaminave, Gerald Kessler, që vdiq vitin e shkuar në moshën 80-vjeçare.
Ndërkohë pasuria i mbeti bashkëshortes së tij aktore, Meadow Williams.
Një tjetër gjyqtar vendosi se martesa e saj me Kessler ishte e ligjshme- edhe pse divorci i saj me të shoqin e parë nuk ishte finalizuar akoma kur të dy u martuan pesë vjet më parë.
Vendimet janë një goditje e fortë për familjen e Kessler.
Djali i tij, Williams, 49 vjeç dhe anëtarë të tjerë të familjes janë përfshirë në një betejë të ashpër për pasurinë prej 800 milionë dollarë. Megjithatë ata morën 60 milionë dollarë. Kessler e ndërtoi perandorinë e tij me multi-vitaminat Nature’s Plus. Ai vdiq në mars të vitit të shkuar pas një sëmundje të gjatë, shkruan Mapo.
Familja Kessler pretendon se Williams e përdorin influencën e saj për të bindur Kessler që të ndryshojë testamentin dy vite përpara vdekjes, duke lënë jashtë familjen e tij. Kessler ishte u martuar kur u takua me Williams në vitin 2002, një bionde tërheqëse, sa gjysma e moshës së tij. Brenda pak javësh, të dy nisën të bashkëjetojnë.
Williams kishte luajtur disa role episodikë në filma të Hollivudit, në krah të aktorëve Eddie Murphy apo Kevin Bacon.
Ata u martuan në Las Vegas në vitin 2010. Por familja e milionerit thotë se martesa është e paligjshme, pasi ajo ishte e martuar ndërkohë, sepse divorci i saj nuk ishte finalizuar. Familja e ka apeluar vendimin. Një tjetër gjyq do zhvillohet vitin që vjen.
