Policia e Vlorës ka gjetur të djegur një automjet që dyshohet se i përket autorëve të plagosjes së 37-vjeçarit Diego Hanaj mbrëmjen e të mërkurës në Vlorë.
“Nga shërbimet policore, në fshatin “Trevëllazër” Vlorë , në një rrugë dytësore është gjetur i djegur një automjet i markës “Audi Q7″, i cili dyshohet se është përdorur nga autorët e ngjarjes”, tha policia zyrtarisht.
Mësohet se Hanaj është qëlluar pesë herë nga persona ende të paidentifikuar. Për fat të mirë Hanaj është jashtë rrezikut për jetën dhe ndodhet në spitalin e Vlorës.
Vlorë/Informacion shtesë
Në vijim të informacionit paraprak të dhënë në datën 05.01.2022, për ngjarjen e ndodhur tek lagjja “Pavarësia”, ku u plagos me armë zjarri në dorë shtetasi D. H., ju bëjmë me dije se:
Nga shërbimet policore, në fshatin “Trevëllazër” Vlorë , në një rrugë dytësore është gjetur i djegur një automjet i markës “Audi Q7”, i cili dyshohet se është përdorur nga autorët e ngjarjes.
Grupi hetimor, nën drejtimin e Prokurorisë, po punon për dokumentimin e plotë të ngjarjes dhe grumbullimin e provave që do të çojnë në identifikimin e autorit/ve të ngjarjes.
g.kosovari
