Një shqiptar është vënë në prangat e policisë italiane pas dhunës së egër të ushtruar ndaj së shoqes.
Pasditen e kësaj të premteje, policia e Toritto, vuri në pranga një 50-vjeçar shqiptar të akuzuar për tentativë vrasje dhe dhunë të përsëritur ndaj gruas si dhe keqtrajtimeve në familje.
Pas sherrit të radhës për motive xhelozie, shqiptari rrahu bashkëshorten 44-vjeçe, e goditi me çekiç në trup, si dhe e kërcënoi për vdekje me një thikë që rrëmbeu në kuzhinë.
Ndërhyrja e familjarëve të tjerë, parandaloi ngjarjen e rëndë, ndërkohë që gruaja bëri më tej denoncim në polici. Nga hetimet e kryera rezulton se dhuna në familje ishte e përsëritur dhe se gruaja për hir të fëmijëve kishte duruar, deri kur ditën e djeshme situata doli nga kontrolli.
Policia italiane është treguar e rezervuar në dhënien e identiteteve dhe detajeve nga ngjarja, ndërkohë që hetimet janë në vijim.
/a.r
