Juristja Brizida Gjikondi ka qenë e ftuar në “Special Report” me gazetarin, Arlind Isa, ku fillimisht komentoi vendimin e Kolegjit Zgjedhor, cili rrëzoi Berishën.
Gjikondi tha se e priste një vendim të tillë pasi Kolegji Zgjedhor përbëhet nga një grup gjyqtarësh që bazohen në vendime gjykate.
“E prisja, sepse Kolegji Zgjedhor përbëhet nga një trup gjyqtarësh që bazohen në vendime gjykate dhe prova ligjore.
Për sa kohë Berisha nuk e ka emrin në asnjë dokument të PD, nuk mund të pretendojë të ishte kryetar i PD vetëm nga dëshira e tij, ose nga intrigat e tij” u shpreh fillimisht Gjikondi.
Partia Demokratike duket se do dalë me vetëm 16 kandidatë në zgjedhjet lokale dhe për këtë veprim Gjikondi shprehet se është një vendim i duhur, pasi është më mirë të ketë cilësi sesa sasi, duke theksuar se PD ka “shtrirë këmbët sa ka jorganin”.
“Mua më pëlqen ku ka sasi dhe ambicie të qarta. Më mirë cilësi, se sa sasi vetëm për numër.
PD ka shtrirë këmbët sa ka jorganin. Më bëri përshtypje për mirë zgjedhja e Roland Bejkos për Tiranën sepse unë e them shpesh që duhet kuroja edhe në kohë të zymta edhe kur ti e di që nuk do të fitosh ti duhet të jesh dallëndyshe e parë një ndryshimi mendësie të një partie që duhet të largohet nga berishizmi dhe të shkojë drejt demokracisë.
Pavarësisht se Bejko nuk hynë për të fituar Tiranën, të jemi realist dhe jam e bindur se dhe ai vetë e di, por duhet njerëzit kurajozë të cilët japin shëmbullin personal në PD drejt demokratizimit të saj dhe linjës perëndimore.
Janë ca momente ku nuk mund të rrinte Partia Demokratike e Shqipërisë pa ofruar një kandidaturë.
Më ka ardhur shumë keq që disa figura politike që janë vetëm me trup nga ana e Alibeajt si Tabaku e Çupi, që nuk kanë rënë dakord për shpalljen e një kandidature.
Ti nuk mund të jesh në anën e Alibeajt dhe të mbështesësh Belind Këllicin që dhe si filozofi i përket një segmenti të PD që ka rezultuar anti-atlantike një rryme konfliktuale, agresive dhe vëlla vrasëse.
Ndaj e çmoj intelektualin Bejko pikërisht për këtë lloj mësimi që i jep PD, për të mos iu nënshtruar frymës së Berishës në atë parti”, u shpreh juristja.
/e.d
