Ministrja e Shëndetësisë dhe Mbrojtjes Sociale, Ogerta Manastirliu, foli në këtë 8 Mars për programet e qeverisë shqiptare mbi kujdesin shëndetësor dhe mbrojtjen sociale të vajzave dhe grave.
Por gjatë pritjes së intervistës, ministrja Manastirliu surprizohet nga gazetari në studion e ERTV-së.
Ai kishte menduar t’i dhuronte ministres një buqet me lule me rastin e 8 marsit duke e surprizuar dhe ia arriti qëllimit. “Është 8 marsi dhe i kam sjellë lulet për një grua, për një zonjë, për një nënë”, tha gazetari, duke shtuar se uronte gjithashtu të gjitha gratë dhe vajzat në këtë ditë.
Ndërsa ministrja Manastirliu tha se kjo buqetë nuk ishte vetëm për të, por për të gjitha gratë dhe vajzat. Gjeste të tilla, të bëra nga djem të rinj na ngjallin shpresat se edhe çunat shqiptarë po bëhen djem detajesh e surprizash.
