Me pranga në duar, gjyqtarja Enkelejda Hoxha ka shkuar në ambientet e Këshillit të Lartë Gjyqësor ku do të njihet me vendin për shkarkimin e saj ose të nga detyra, pasi akuzohet për korrupsion dhe shpërdorim detyre. Kjo është seanca e katërt që KLGJ zhvillon, ku kreu i Inspektoratit të Lartë të Drejtësisë, Artur Metani i qëndron kërkesës së tij për shkarkim. Sipas Metanit, janë 5 raste kur gjyqtarja ka vepruar në kundërshtim me ligjin për t’i dhënë lirinë personave në mënyrë të padrejtë.
Rreth dy javë më parë, më datë 15 Shkurt, Këshilli i Lartë Gjyqësor e pezulloi nga detyra Hoxhën.
Enkeleda Hoxha u arrestua me kërkesë të Prokurorisë së Posaçme pasi dyshohet se me 9 persona të tjerë kishin ngritur një skemë përmes të cilës ulnin dënimet ose lironin nga burgu të dënuar për vepra të rënda penale. Mes të arrestuarve janë, avokati Aldo Tabaku si edhe sekretarja e Gjykatës së Krujës, Manuela Mallakuçi.
Si funksiononte skema
Fillimisht, sipas SPAK, të dënuarit zgjidhnin avokat Aldo Tabakun, i cili kishte kontakte të ngushta me gjyqtaren Enkeleda Hoxha. Nga ana tjetër, sekretarja e gjykatës bënte të mundur që çështja të kalonte për shqyrtim pikërisht nga gjyqtarja Enkeleda Hoxha, e cila merrte vendim pro kërkuesve.
g.kosovari
