Diçka jo e zakontë ka ndodhur dje në qytetin e Vlorës. Gazetari i njohur Enrik Mehmeti sjell për GSH.al një video interesante: pasagjerët e një autobusi habiten kur shohin shoferin të frenojë në mes të rrugës dhe të zbresë nga mjeti.
Pa patur ndonjë hall personal emergjent, ai i është drejtuar qetësisht çadrës së stacionuar në mes të qytetit. Shoferi ka firmosur peticionin e shoqërisë civile që mbështet reformën në drejtësi dhe zbatimin e vetingut, kontrollit të figurës së gjyqtarëve e prokurorëve.
Pasi ka hedhur firmën, nën shakatë dhe vështrimet qesëndisëse të të pranishmëve, ai ka hipur sërish në autobus e ka vazhduar rrugën./b.d
