Televizioni spanjoll “Deportes Cuatro” ka publikuar një lajm kurioz që lidhet me ndeshjen e fundit Real-Juventus. Ronaldo, sipas kësaj medie, ka ikur me shpejtësi pas mbarimit të takimit dhe është mbyllur në dhomat e zhveshjes, ku ka shpërthyer në të qara. Ai nuk ju bashkua shokëve të ekipit, të cilët duartrokitën tifozët e mbetur, por ka vrapuar në një cep të dhomës së zhveshjes i ngashëryer. Televizioni në fjalë thotë se kolegët e ekipit janë munduar ta ngushëllojnë por ai ka qenë dukshëm i tronditur dhe në dëshpërim të plotë.
