Rastet e krimit kibernetik tashmë janë kthyer në një shqetësim serioz për autoritetet. Shumë qytetarë kanë përjetuar periudha makthi pasi, u kanë grabtiur adresat në rrjetet sociale, foto intime dhe janë shntazhuar.
Por, nëse kishim dëgjuar raste për djem apo vajza të reja të përfshirë në këto lloja ngjarjesh, një histori e padëgjuar më parë raportohet nga policia, me protagoniste një grua 59-vjeçare.
Policia ka referuar materialet në Prokurorinë e Rrethit Gjyqësor Tiranë, për shtetasen me inicialet. A.Ç, 59 vjeçe, banuese në Tiranë.
Ajo dyshohet se më anë të kompjuterit, ka falsifikuar adresën e shtetases B.Sh, 49 vjeçe, banuese në Tiranë, me anë të të cilave, e kërcënon dhe dërgon video intime, personave të tjerë.
Nuk dihen ende motivet që e shtynë gruan të ndërmerret këto veprime. Por, tashmë ajo do të ndiqet penalisht./a.m.
