Duket e pabesueshme por çmimi i një biletë për ndeshjen Shqipëri – Serbi, ka shkuar deri në 500 euro. Shqipëria është shumë pranë kualifikimit për në “Francë 2016”, por në rrugën drejtë realizimit janë edhe dy pengesa, sfida ndaj Serbisë dhe ajo ndaj Armenisë.
Të enjten Shqipëria pret në “Elbasan Arena” Serbinë, një sfidë ku Kombëtarja shqiptare mund të shkruajë historinë në rast fitoreje. Kërkesa për të qenë të pranishëm në “Elbasan Arena”, është shumë e madhe, dhe tifozët shqiptarë kanë filluar të blejnë bileta pa menduar çmimin.
Së fundmi gazeta serbe “Kurir” evidenton një biletë të shitur për 500 euro, ndërkohë që çmimi i saj real është 2000 lekë.
