Eksperti i kriminalistikës Ervin Karamuço ka analizuar rrethanat e krimit të rëndë që tronditi Kavajën një ditë më parë, ku Arjan Gosa u vra me armë zjarri në sy të babait të tij nga Habib Rexha.
Ai deklaroi se janë një grup personash që e kanë mbështetur Rexhën të kryejë krimin, në të njëjtat rrethana në të cilat vdiq vëllai i tij, Altin Rexha në sy të djalit të tij të mitur.
“Është kronikë e një ngjarje të paralajmëruar. Vijnë nga një eksperiencë pothuaj 30-vjeçare ku policia i analizon rrisqet pas çdo vrasjeje, që ngre në këmbë një opinion të tërë. Kthimi i vëllait të viktimës duhet të ishte marrë në konsideratë e të ishte mbajtur në survejim.
Policia i ka të gjitha format operative për të mbledhur informacion për më tepër që autori i vrasjes së djeshme nuk ka qenë vetëm, janë një grup personash që e kanë mbështetur. Policia ka një rrjet informativ dhe për një ngjarje të rëndë të këtyre përmasave që ndodh në Kavajë, duhet të kishte vënë më mirë veshin familjarëve personave të prekur thashethemeve të lokaleve, vëllait që erdhi nga Italia.
Këto e kanë nxitur për ta vrarë në sy të babait siç vdiq vëllai i tij në sytë e djalit të tij. Kanë qenë ca paralele që ne i shikojmë e këmbanat ishin”, tha Karamuço në emisionin Top Story./m.j
