Një vajzë nga Vlora denoncon në polici një djalë të cilin e kishte njohur në Facebook, se e ka shfrytëzuar si prostitutë.
F.K., 19 vjeçe, banuese në Vlorë gjatë ditës së djeshme është paraqitur në komisariatin e policisë për të denoncuar çfarë i ka ndodhur.
Ajo kallëzoi para uniformave blu, se një djalë me iniciale M., të cilin e kishte njohur nëpërmjet rrjetit social Facebook, në muajin prill, e ka trafikuar në Kosovë duke e shfrytëzuar për prostitucion, shkruan agjencia NOA.
E reja tregoi se nëpërmjet afrimitetit që ishte krijuar mes tyre për shkak të komunikimeve të vazhdueshme, ai ka përfituar duke e trafikuar.
Aktualisht po punohet për identifikimin e kapjen e autorit për të cilin vajza thotë se nuk i’a di emrin e plotë, ndërkohë që materialet i’u referuan Prokurorisë për Krimet Rënda Tiranë. Për shkak se çështja është ende nën hetim, nuk bëhen me dije detaje të tjera.
/a.ç
