Zbardhen dëshmitë e 60-vjeçarit të arrestuar një ditë më parë në Golem pasi akuzohet për ngacmim seksual dhe 13-vjeçares e cila ka bërë kallëzimin.
Ka qenë vetë e mitura e cila ka bërë denoncimin për fqinjin e saj në shtëpinë e plazhit në Kavajë.
Mësohet se i arrestuari dhe familja e 13-vjeçares janë banorë të kryeqytetit por që çdo vit shkojnë me pushime në Kavajë aty ku kanë dhe banesat e plazhit.
E mitura ka treguar në polici se 60-vjeçari e ka prekur në vende intime disa herë dhe kjo e ka detyruar t’i drejtohet Komisariatit të Golemit.
Siç raporton Panorama, 60-vjeçari ka deklaruar në Polici:
“Nuk e kam prekur. Unë e njoh prej kohësh, se jetojmë në të njëjtin vend kur vijmë me pushime, nuk është e vërtetë që e kam prekur vajzën apo të kem pasur tendencë për këto veprime”.
g.kosovari
