Një grua e moshuar 73-vjeçare është një nga 12 të prekurit nga koronavirusi në vendin tonë.
Për shkak se ndodhej në terapi intensive qysh prej mbrëmjes së djeshme, mjekët e spitalit infektiv nëe Durreës kanë menduar që ta transportojnë drejt Tiranës.
E moshuara Xh.G., ka hipur në ambulancë dhe është bërë gati për nisur drejt Tiranës, por brenda pak minutash është kthyer mbas, për shkak të përkeqësimit të gjendjes së saj, teksa ambulanca nuk ishte nisur ende.
Mësohet se gjendja e të moshuarëës paraqitet kritike. Ajo u shtrua në spital më 3 mars me gjendje gripi, ku shkoi vetë në spital.
Ajo kishte qenë për një periudhë në Bolonja të Italisë dhe në kthim ishte ndjerë keq. Sakaq flitet se katër mjekë dhe infermierë që janë marrë me trajtimin e saj, janë vetëkarantinuar.
Ministria e Shëndetësisë deklaroi se në 24 orët e fundit janë kryer edhe 43 testime të reja, nga të cilat kanë rezultuar dy raste pozitive me COVID-19. Njëri prej tyre është i lidhur me rastin e parë të identifikuar me koronavirusin e ri ndërsa rasti tjetër është një i moshuar në Lushnje, me histori udhetimi me Italinë.
Të dy rastet e reja në vetëizolim dhe në gjendje të mirë shëndetësore. Në total deri në këto momente, janë testuar 157 të dyshuar për COVID-19 dhe janë 12 persona të identifikuar pozitiv: Prej tyre, 9 kanë lidhje kontakti me rastin e parë të identifkuar dhe 3 janë raste të reja: 1 në Tiranë, një në Lushnje dhe një në Durrës.
Katër persona janë të shtruar në spital, 3 prej të cilëve në gjendje të qëndrueshme shëndetësore në Spitalin Infektiv të Tiranës dhe një në terapi intensive në Durrës, ndërsa 7 prej personave të identifikuar COVID-19 pozitiv janë në vetëizolim pa shenja klinike të infeksionit respirator. 104 persona, kontakte të personave të identifikuar me COVID19 janë në vetëkarantinim.
g.kosovari
