Një incident ka ndodhur gjatë protestës së sotme të opozitës përpara Kryeministrisë. Një grua e moshuar i është drejtuar turmës së protestuesve, duke u bërë thirrje që protestojnë edhe për 21 janar.
“Kjo është dhuna ndaj nënave. Ku është drejtësia për 21 janarin? Turp, turp!”, ka thënë gruaja e moshuar.
Është dashur ndërhyrja e policisë për të normalizuar situatën, duke shmangur kështu përplasjen e së moshuarës me protestuesit.
Në foton e siguruar nga “BalkanWeb” duket momenti kur policia e largon gruan e moshuar nga turma e protestuesve.
