Një kryefamiljar shqiptar është arrestuar në Francë, ndërsa ngjarja ka kapur vëmendjen e mediave në vend.
Përmes një reportazhi të shkurtër tregohet sesi Marjana dhe Bilbili, dy shqiptarë të ardhur në Francë në vitin 2015, kishin dalë për ta marrë fëmijën e tyre tetëvjeçar nga shkolla fillore “Franck-Mozart” në Charleville-Mézières, por në një moment policia i afrohet shqiptarit duke e urdhëruar të dalë nga makina dhe e shoqëron në komisariat.
Familja tashmë përballet me frikën e dëbimit pasi në Francë kishin mbërritur si azilantë.
Komuna e ka pranuar se vendarrestimi i shqiptarit nuk ka qenë vend i përshtatshëm për një veprim të tillë.
Por Frédéric Clowez, sekretari i përgjithshëm ka nënvizuar: “Kërkesa për azil dhe ankesa janë hedhur poshtë”.
“France 3” raporton përmes dokumentarit se që prej 2015 jeta e Bilbilit dhe Marjanës është shndërruar në makth të vërtetë.
Pas kërkesës për azil dhe ankesës së tyre, që të dyja të refuzuara, Marjana, Bilbili, dhe dy djemtë Cerili dhe Admiri u gjendën në fokus të detyrimit për tu larguar nga territori francez.
“Në Francë erdhëm me shpresë për një jetë më të mirë. Ajo që dua për momentin është mundësi që të qëndroj këtu dhe të vazhdoj jetën që e bënim paraprakisht në Francë”, shprehet Marjana./a.m.
