Zëdhënësi i Kremlinit, Dmitry Peskov ka hedhur poshtë raportimet se Rusia i ka kërkuar ndihmë ushtarake Kinës.
“Rusia nuk i ka kërkuar ndihmë ushtarake Kinës dhe është në gjendje të arrijë qëllimet e saj në Ukrainë vetëm”, tha Peskov.
Kremlini tha gjithashtu sot se SHBA-ja dhe BE-ja po përpiqen të tundojnë Rusinë për të sulmuar qendrat kryesore të popullsisë në Ukrainë, duke shtuar se ata i konsiderojnë sjellje të tilla si një provokim.
Në lidhje me sanksionet e vendosura ndaj Rusisë nga Perëndimi, Peskov tha se efektet e luftës ekonomike kundër Rusisë do të minimizohen.
Më herët, sipas raporteve të SHBA-së, Moska i ka kërkuar Pekinit armë dhe ndihmë financiare pas pushtimit të Ukrainës.
Shtëpia e Bardhë është e shqetësuar se Kina mund të minojë përpjekjet perëndimore për të ndihmuar Ukrainën, sipas burimeve të cituara nga The Washington Post dhe Financial Times.
/a.r
