Marilia Mancelli po përballet me një sëmundje të rëndë dhe ka nevojë urgjente për ndihmë financiare për të përballuar shpenzimet e mjekimit.
Për këtë arsye familjarët kanë hapur një GoFundMe. Babai i saj, Petro Mancelli, iu drejtohet të gjithë shqiptarëve me shpresën për një ndihmë sadopak për shpëtimin dhe trajtimin e vajzës së tij. “Çdo kontribut, sado i vogël, është një shpresë e madhe për këtë engjëll të vogël. Ju lutemi ta shpërndani këtë njoftim që të arrijë tek sa më shumë zemra humane. Zoti ju bekoftë për ndihmën dhe mbështetjen tuaj!”, shprehet ai.
LINKU I GOFUNDME KU MUND TË KONTRIBUONI
Motra e saj, Ensuida shpjegon se prej muajsh, për Marilian janë kryer vizita, analiza me shpenzime shumë të mëdha mjekësore. Specialistët kanë rekomanduar që trajtimi të vijojë jashtë Shqipërisë. Për këtë nevojitet një buxhet prej 30 mijë paundësh, nga të cilat, përmes dhurimeve të shqiptarëve, janë mbledhur mbi 11 mijë.
Buxheti do të mbulojë trajtimin mjekësor, analizat dhe ekzaminimet, ilaçet dhe shpenzimet spitalore. “E dimë që kohët janë të vështira për të gjithë, por çdo ndihmë, qoftë edhe një shumë e vogël apo një shpërndarje, mund të bëjë një ndryshim të madh për motrën time, vajzën e dytë që prindërit mezi e kanë pritur ta kishin. Për transparencë, do të publikojmë dokumente mjekësore dhe përditësime gjatë gjithë procesit të kurimit të saj. Faleminderit nga zemra për mbështetjen, lutjet dhe ndihmën tuaj!”, thotë motra e saj.
