Ministri spanjoll i Ekonomisë, Luis de Guindos pohoi se qeveria spanjolle mund të mbështetet në kontributin e Bashkimit Evropian përballë paqartësisë së pavarësisë së Katalonjës, i cili e cilësoi si rebelim kundër shtetit të së drejtës.
“Nuk është një çështje pavarësie apo jo pavarësie. Është një çështje rebelimi kundër shtetit të së drejtës dhe shteti i së drejtës është baza jo vetëm e bashkëjetesës në Spanjë por gjithashtu bashkëjetesës në Evropë”, siguroi Guindos.
Ministri spanjoll u shpreh në nisje të një takimi në Luksemburg me homologët evropianë, pas një takimi pune me ministrat e familjes së tij politike (PPE, e së djathtës), më e rëndësishmja në Evropë, ku morën pjesë ministrat gjermanë, austriakë apo finlandezë si dhe zëvendëspresidenti i Komisionit Evropian, Valdis Dombrovskis, referoi Koha.
“Ajo çfarë mund të them është se gjithë bota po mbështet qëndrimin e qeverisë spanjolle”, deklaroi de Guindos, i cili u shpreh me siguri se familje të tjera të politikës evropiane, si “socialistët” apo “liberalët” mbështesin gjithashtu Madridin. (b.an)
