Dhuna në familje është një fenomen që njeh vetëm rritje në shoqërinë shqiptare.
Policia e Shtetit raporton me dhjetëra raste ndërhyrjeje çdo ditë.
Ndërkohë, një numër shumë i madh ngjarjesh nuk raportohen fare në polici.
Një tjetër rast është regjistruar në Tiranë ku gruaja 58-vjeçare u dhunua rëndë nga bashkëshorti i saj 22 vite më i ri shkruan noa. Policia thotë se ka arrestuar në kushtet e flagrancës 36-vjeçarin me inicialet U.T., banues në Kamëz i cili ka dhunuar rëndë bashkëshorten, 58-vjeçaren me inicialet H,.T.
Kjo e fundit është transportuar në spital për ndihmë mjekësore dhe pasi u përmirësua, u dërgua në shtëpi.
Nuk dihen ende motivet e dhunës së bashkëshortit të saj./a.m.
