Përkrahësit e Partisë Demokratike italiane (PD, qendër e majtë) zgjodhën të dielën drejtuesin e tyre, Nicola Zingaretti, një ish-komunist i dalë nga klasa e mesme dhe tashmë i ngarkuar për t’u përballuar me partitë populiste në pushtet.
PD-ja është pas në sondazhe që prej humbjes në qershor në zgjedhjet parlamentare, që sollën në pushtet aleancën mes Lëvizjes 5 Yjet (L5Y, antisistem) dhe Ligës (ekstremi i djathtë).
I zgjedhur me një shumicë të theksuar, Zingaretti, 53 vjeç shpesh i krahasuar me liderin e laburistëve britanikë, Jeremy Corbyn, falënderoi elektoratin në rrjetet sociale dhe premtoi se ishte koha e duhur për të kthyer faqe.
Rreth 35 000 vullnetarë u mobilizuan për të pritur zgjedhësit në rreth 7 000 qendra votimi, përfshirë 150 jashtë vendit.
Për të marrë pjesë në votim, zgjedhësit duhet të nënshkruanin një deklaratë në mbështetje të PD-së dhe të paguanin dy euro.
Ekipi elektoral i Nicola Zingaretti, i cili ishte favoriti kryesor, saktësoi të dielën në mbrëmje se parashikonte pjesëmarrjen e mbi 1,5 milionë zgjedhësve.
/a.rada
