Presidenti i SHBA-së, Donald Trump, kritikoi sot vendimin e Kinës për të vendosur një tarifë prej 34% për të gjitha importet e SHBA-së, duke pretenduar se Kina ishte në panik në përgjigje të masave të tij të fundit tregtare.
Ministria e Financave e Kinës konfirmoi tarifat duke i quajtur si reciproke, ndërsa Trump ka reaguar ashpër ndaj Kinës pas njoftimit të tarifave hakmarrëse ndaj importeve amerikane.
“Kina e luajti gabim, ata i pushtoi paniku. E vetmja gjë që ata nuk kanë mundësi të bëjnë!”, shkroi Trump në “Truth Social”.
Kina konfirmoi se detyrimi i ri përputhej me tarifën “reciproke” që Trump kishte vendosur ndaj eksporteve kineze, në fillim të javës. Për më tepër, Ministria e Tregtisë e Kinës paraqiti planet për të shtrënguar kufizimet e eksportit për elementët e tokës së rrallë.
