Tre punonjës të policisë në portin e Vlorës janë pezulluar nga detyra nën akuzën se kanë marrë ryshfet si dhe kanë lejuar një person të kalojë kufirin me dokumente të falsifikuara.
Drejtoria e Standardeve Profesionale në Policinë e Shtetit vendosi masën e pezullimit nga detyra për përgjegjësin e turnit nënkomisar Xhevdet Qepin, inspektorin Pëllumb Hasanaliaj, me detyrë kontrollor, si dhe për inspektorin Gëzim Zenelaj, me detyrë trup shërbimi.
Gjithashtu, ndaj 3 efektivëve ka nisur hetimi i thelluar disiplinor, ndërsa nga AMP ka nisur hetimi penal.
Në njoftimin për shtyp Policia e Shtetit bën me dije është e vendosur për të larguar nga radhët e saj, punonjësit që abuzojnë me detyrën dhe cenojnë besimin e qytetarëve te trupa e saj.
/a.r
