Një ngjarje e rëndë ka ndodhur në Valencia të Spanjës ku një i ri shqiptar ka humbur jetën në dyert e spitalit.
Siç raportojnë mediat lokale, 23-vjeçari emri i të cilit nuk është bërë i ditur ka vdekur në Spitalin La Fe de València pasi disa persona të panjohur e lanë atë të plagosur me armë zjarri në dyert e spitalit të ditën e mërkurën.
Sipas burimeve të policisë, ngjarjet kanë ndodhur rreth orës 09:30 të së mërkurës, kur persona të panjohur lanë viktimën, me kombësi shqiptare, në dyert e spitalit me plagë me armë zjarri, por pa saktësuar numrin e plagëve.
Mjekët e kanë marrë dhe e kanë kuruar, por shqiptari nuk ia ka dalë dot duke ndërruar jetë.
Policia është duke kërkuar se cilët ishin personat që e lanë shqiptarin e plagosur tek dera e spitalit, gjë e cila do t’i çojë në zbulimin e ngjarjes./ javanews
g.kosovari
