Sekretari i Përgjithshëm i Partisë Demokratike, Flamur Noka ka reaguar pas përjashtimit nga strukturat e PD-së të anëtares Anila Aliaj.
Kjo e fundit u përplas me Nokës në mbledhjen e PD-së në Kamëz lidhur me parregullsitë në procesin e primareve.
I ftuar në News 24, Noka tha se debatet janë normale brenda një strukture politike dhe se vetë ai është i hapur për kritika.
“Shqiptarët duan të dinë çfarë shqetësimi ka një njeri në një strukturë që bëj debat unë apo dikush tjetër. Ne i kemi debatet të përditshme në struktura, ka rregulla e statut.
Ka kritika e debate, aty jemi prapë. Unë marr parasysh çdo kritikë dhe këtu në këtë pikë politike kam arritur prej atyre njerëzve.
Unë vij nga njerëzit. Karrierën time e kam falë atyre dhe marrëdhënies me ta”, tha Noka.
Flamur Noka gjithashtu tha se nuk ka një përjashtim nga PD pasi Anila Aliaj nuk është një anëtare e kryesisë.
Ndërkohë vetë Aliaj ka reaguar në rrjete sociale duke shkruar ajo doli fituese pa një pushtet, por se ruajti dinjitetin e saj ndërsa shtoi “kam burrni shumë më shumë se ju. I paburri nuk është ndryshe, vetëm si ju”.
Pjesë nga debati në mbledhjen e strukturave në Kamëz:
Anila Aliaj: Anëtarët e kryesisë i ke këtu, të kundërshtojnë.
Flamur Noka: Kur të vish herë të tjera, merr lexo statutin.
Anila Aliaj: Unë nuk jam e punësuar te partia juaj. Jam këtu prej mundimit tim dhe djersës sime, nuk jam prej teje. Se të jem prej teje, nuk rri asnjë sekond në parti. Po kur të dali partia në emër tënd.
Flamur Noka: Statuti nuk të lejon ty me të pyet për primaret se i vendos unë. Ty nuk të pyesim fare.
