Katalonja konisderohet epiqendra e tregut të paligjshëm të marjuanës në Evropë. Kjo është deklarata e fundit e Policisë Spanjolle, që bën të ditur se që prej mëse një viti ka lulëzuar kultivimi i kanabisit në mjedise të mbyllura. Vetëm në vititn 2021, policia mbylli 662 plantacione në apartamente dhe u konfiskuan rreth 9 ton cannabis.
Zona ku lulëzon ky treg është Katalonja, ose pjesa verilindore e Spanjës. Policia bën të ditur se në përputhje edhe me laboratorët e gjetur kanë qënë edhe shpenzimet e larta të energjisë elektrike dhe lidhjet apo rregullimet e lidhjeve për të mundësuar pikërisht rritjen e bimëve.
Policia Spanjolle deklaroi gjatë aksionit të fundit para disa orësh se zgjerimi i kultivimit në banesa i kanabisit është rritur në mënyrë eksponenciale, duke e kthyer këtë rajon në epiqendren e kontinentit. Pikërisht për këtë arsye po mendohet një bashkëpunim me policitë e vendeve të tjera për tw frenuar tregtinë e paligjshme.
/a.r
