Gjyqtarja Arjana Liço ka rrëzuar padinë e presidentit Bujar Nishani si të pa bazuar në prova.
Kreu i shtetit paditi një vit më parë Erion Veliajn për fyerje, ndërsa i kërkonte 100 lekë dëmshpërblim.
PADIA
Nëpërmjet çështjes civile nr. 9499, të regjistruar dje, më datë 19.05.2016 pranë Gjykatë së Shkallës së Parë Tiranë, Presidenti i Republikës së Shqipërisë, Bujar Nishani ka paditur kryetarin e Bashkisë së Tiranës, Erion Veliaj për “Shkaktim Dëmi”. Presidenti i Republikës ka kërkuar detyrimin e palës së paditur që ta dëmshpërblejë për dëmin moral të pësuar prej cenimit të nderit dhe personalitetit. Për këtë gjë, Nishani ka kërkuar një dëmshpërblim monetar në vlerën e vetëm 100 lekëve. Gjithashtu, Presidenti ka kërkuar “detyrimin e palës së paditur të përgënjeshtrojë deklaratat e bëra duke publikuar me shpenzimet e veta vendimin e gjykatës”.
REPLIKAT
Nga ana tjetër, Erion Veliaj reagoi me anë të një deklaratë të shpërndarë nga Bashkia e Tiranës, pas konferencës së Bujar Nishani.
