Në kërkim nga drejtësia italiane, kapet në Fier një person i akuzuar për trafik droge,.
Efektivët e policisë Fier në bashkëpunim me Interpol Tirana, pas një pune të mirëorganizuar, bënë kapjen dhe arrestimin e përkohshëm me qëllim ekstradimin drejt Italisë të një personi.
I arrestuari është A.D., 56 vjeç, banues në Fier, i cili u kap në orët e para të ditës së sotme.
Ndalimi i tij u bë pasi Gjykata e Milanos në Itali me vendimin e datës 17 shtator 2007 ka lëshuar urdhër “Arrest me burg” për kryerjen e veprës penale “Trafikim i lëndëve narkotike”.
Ndaj të dyshuarit materialet iu referuan Prokurorisë së Fierit për veprime të mëtejshme.
/a.r
