Ronnie Brunsëijk, zëvendës President aktual i vendit, hyri në histori duke u bërë lojtari më i vjetër që ka luajtur një ndeshje zyrtare ndërkombëtare në nivel klubesh.
Politikani 60-vjeçar dhe presidenti i Inter Moengotapoe, skuadrës për të cilën luajti madje edhe me shiritin e kapitenit u aktivizua rreth 53 minuta në humbjen 6-0 të ekipit të tij ndaj Olimpia të Hondurasit në ndeshjen e parë të 16-ave të Ligës Concacaf, në Amerikën Qendrore.
Brunsëijk zbriti në fushë me një fanelë me numrin 61 në skuadrën ku luan edhe i biri Damian, i cili u zëvendësua në minutën e 29. Prania e 60-vjecarit shkaktoi polemika për shkak të fizikut të tij dhe për debutimin e tij në atë moshë.
Ronnie Brunsëijk, politikani futbollist kërkohet nga Interpol që prej korrikut 2020, i dënuar me 6 vjet nga një gjykatë holandeze për trafik narkotikësh.
Ai nuk do të jetë në gjendje të luajë ndeshjen e kthimit në Honduras. Sipas New York Times, gjatë rinisë së tij, Brunsëijk ishte një grabitës i mirënjohur bankash, i përfshirë në trafikun e drogës dhe çështjet guerile, kjo është arsyeja pse ai kërkohet nga gjykatat.
/a.r
