Një vajzë shqiptare 27-vjeçe është bërë pre e gënjeshtrës së bashkëkombësit të saj, i cili është arrestuar nga policia e Sienës në Itali.
Sipas La Stampa drama e vajzës shqiptare nis që me joshjen në Shqipëri, më pas me rrëmbimin në Itali, aty ku është mbajtur në një bodrum dhe është dhunuar për 10 ditë me radhë.
Autori i gjithë historisë është një tjetër shqiptar 37-vjeç, rezident prej vitesh në Itali dhe me një punë të qëndrueshme në një kompani ndërtimi, kthehet në Shqipqëri dhe njeh vajzën në fjalë. Fillimisht ai e ka joshur, duke i premtuar dashuri e më pas i ka premtuar një punë në Itali. E bindur se mund të mbështetej edhe nga motra e saj që prej vitesh jetonte në Grosseto, 27-vjeçarja pranon ta ndjekë, madje kërkon para nga prindërit që të mund të transferohej në Itali
Pas disa javësh pasi ishin njohur, vajza mbërrin në Toscana. I fejuari e pret dhe e transferon në një shtëpi të izoluar në Staggia, pasi i ka marrë pasaportën, celularin dhe paratë. Qëllimet e tij nuk ishin të krijonte një familje, por ta kthente atë në prostitutë. Ndërsa e dhunonte në mënyrë çnjerëzore ai i përmendte shpesh frazën: “Nëse do të jetosh, duhet të bësh atë që dua unë, duhet të bëhesh prostitutë”, siç ka treguar më pas vajza për policinë italiane.
E vendosur për të mos pranuar fatin e saj, vajza shqiptare përfiton kur burrit i bie telefoni nga xhepi, për të telefonuar të motrën. Ai e kupton që i ka rënë celulari, hyn në shtëpi, i merr telefonin nga dora, para se të jepte më shumë informacione
Ishte motra e saj e alarmuar që telefonoi policinë për ti treguar se vajza ndodhej në një shtëpi të izoluar në afërsi të Poggibonsi.
Policia arriti ta gjente pas denoncimit të një fqinji që dëgjonte shpesh britmat e një burri, dhe një gruaje në një shtëpi të braktisur.
Bw/d.i
