Pedagogu Arjan Curri është përfshirë në një debat në emision me gazetaren Klodiana Lala, teksa ishin duke folur për ngjarjen e rëndë në Shkodër, ku dje në mëngjes u gjet i vrarë në zonën e Livadheve, 32-vjeçari Endri Mustafa.
Ai ishte dhunuar dhe kishte marrë një plumb në gojë, dy në kokë dhe tre në gjoks. Pjesë e debatit të sotëm në “Open” u bë dhe fakti nëse ishte apo jo një vrasje mafioze. Curri këmbënguli duke thënë se nuk ka lidhje mënyra e vrasjes dhe nuk nuk mund të cilësohet vrasje mafioze vetëm sepse është vrarë me plumb në gojë apo në kokë në formë kodi apo mesazhi.
Nga ana tjetër Lala mbështeti teorinë se kjo ishte një vrasje mafioze e mirëmenduar dhe e planifikuar, duke parë dhe mënyrën se si ishte ekzekutuar viktima. Për Currin një vrasje mafioze cilësohet ajo vrasje e cila porositet nga bandat dhe mafiet, dhe jo çdo vrasje ordinere në mes të baltës dhe ferrave.
“Ti e ke sëmundje profesionale, të duken të gjithë kriminelë dhe banda e mafie. Edhe mua më duket sikur të gjithë studentët kopjojnë, por nuk është kështu. Ju e keni bërë Shqipërinë vetëm banda, banda. Unë jap kriminologji në auditorë, e njoh mirë. S’mund të thoni që për çdo vrasje ajo është mafioze”, i tha Curri gazetares Lala.
Curri: Ti e ke sëmundje profesionale, të duken të gjithë kriminelë dhe banda e mafie. Edhe mua më duket sikur të gjithë studentët kopjojnë, por nuk është kështu. Ju e keni bërë Shqipërinë vetëm banda, banda. Unë jap kriminologji në auditorë, e njoh mirë. S’mund të thoni që për çdo vrasje ajo është mafioze.
Lala: Ish ministri Xhafaj ka thënë se ka grupe kriminale. Personat që nuk kanë bërë një rrëmbim klasik që e kanë marrë dhe dhunuar dhe mendohet se kanë munduar të nxjerrin detaje.
