Një 62-vjeçar humbi jetën nga paniku për t’i shpëtuar tërmetit në Durrës. Ngjarja e rëndë ka ndodhur mbrëmjen e djeshme në një kompleks pallatesh që po ndërtohet në kodrën e Currilave, ku roja i godinës mendohet të jetë rrëzuar nga një lartësi e konsiderueshme e pallatit gjashtë katësh dhe të ketë rënë në themelet e mbushura nga uji.
Policia sqaron se subjekti i ndërtimit nuk i kishte krijuar rojes kushtet që ai të ushtronte detyrën e tij pa ju rrezikuar jeta. Nuk kishte një vend në territorin rreth objektit ku duhej të ishte vendosur kabina e rojës. Gropa e ashensorit nuk ishte e kufizuar me elementë që sigurojnë jetën e punëtorëve dhe rojes gjithashtu.Gropa e ashensorit nuk kishte tabela ku të sinjalizohej rreziku i rënies në të.
Në këto kushte roja ndodhej në katin e dytë kur ra tërmeti dhe duket ka menduar të sigurohet pranë gropës së ashensorit por fatkeqësisht ka rënë brenda duke humbur jetën menjëherë. Në këto kushte policia ka vendosur arrestimin e administratorit të subjektit si dhe të inxhinerit zbatues me akuzën e shkeljes së rregullave të sigurimit në punë. /e.s/