Akuza për vrasje ka nxjerrë para gjykatës 18-vjeçarin, Mathew Borges, i cili akuzohet se tri vite më parë ka vrarë shokun e tij të klasës.
Mediat e huaja bëjnë me dije se vrasja ka ndodhur në vitin 2016 dhe asokohe Borges ishte vetëm 15-vjeç.
18-vjeçari e sulmoi shokun e klasës pasi dyshonte se ai flirtonte me të dashurën e tij në atë kohë. Pasi e vrau, ai i preu duart dhe kokën, e më pas ia hodhi trupin në lumin Merrimack, ku u gjet nga kalimtarë të rastit, ndërsa koka e tij, e futur në një qese plastike, u gjet disa ditë më vonë.
“E kam vrarë… ai është i vdekur”,- raportohet t’u ketë thënë ai shokëve të klasës, pasi ka kryer krimin.
Në senacën gjyqësore, ish-e dashura e tij, Leilany Dejesus, tashmë 18-vjeç, dëshmoi se Mathew Borges u bë shumë xheloz dhe u inatos shumë kur e pa atë duke folur me Manuel Viloria-Paulino në shkollën e Lawrence në Boston.
Dejesus shpërtheu në lot teksa përshkruante se si Borges e keqtrajtoi atë, pasi foli me Viloria-Paulino.
g.kosovari
