Prokuroria Donika Prela nuk është paraqitur sot para trupës së Komisionit të Pavaruar të Apelimit për arsye shëndetësore.
Nëpërmjet bashkëshortit të saj, që ishte në seancë, ajo ka kërkuar shtyerjen se seancës, pasi ka paraqitur një raport mjekësor ku thuhet se për arsye shëndetësore nuk mund të paraqitet për 14 ditë.
Pas kërkesës së prokurores Prela, trupi gjykues vendosi shtyrjen e seancës më 5 shtator ora 15:00.
Ndërkohë ndryshime ka patur edhe në trupën gjykuese të Komisionit të Pavaruar të Kualifikimit, pasi vendit e Luan Daçit e ka zënë Rezarta Shulz.
Trupa gjykuese e KPA përbëhet nga 7 anëtarë. Rivlerësimi i figurës së Donika Prelës do të bëhet nga KPA me qëllimin e procesit të vetingut.
Donika Prela u konfirmua në detyrë më 5 shkurt të vitit 2019 nga trupa gjykuese e përbërë nga Roland Ilia, Valbona Sanxhaktari dhe Olsi Komici. Megjithatë, vendimi i KPK-së u ankimua nga Komisioneri Publik, i cili kritikoi justifikimin që trupa gjyqësore u bëri të ardhurave të pataksuara të bashkëshortit të Prelës.
g.kosovari
