Gjatë konferencës për shtyp, Sali Berisha, mes shumë të tjerave, gjeti kohë sërish të sulmonte ish-ministrin e Drejtësisë së PD dhe ish-zëvendëskryeministrin e tij, Ilir Rusmaili.
Berisha e akuzoi atë si njëri pa moral dhe që nuk respekton ligjin, duke e akuzuar, madje, edhe se ishte vendimmarrja e tij ajo që i kishte nxjerr votat tepër të kandidatëve të PD gjatë procesit të rinumërimit.
Veç kësaj, Berisha u shpreh se e ka “shkarkuar për korrupsion” Ilir Rusmailin, gjë që jo vetëm nuk është e vërtetë, por është një mashtrim që i shkon përshtat vetëm shpifjeve madhështore të Berishës.
Ilir Rusmaili nuk është shkarkuar nga Berisha. Ai është ministri i parë në qeverisjen e PD që ka dhënë dorëheqjen.
E ka dhënë si një akt moral, duke i treguar Berishës pasqyrën e pastërtisë, gjë që ai nuk e kapërdinë dot.
Përveçse ka qenë ministri i vetëm që ka refuzuar me forcë dhe akte konkrete aferën korruptive të djalit të Berishës në Gërdec, e cila rezultoi me 26 viktima.
Ndaj Berishës nuk i del “e keqja” me Ilir Rusmailin. Ai i tregoi pasqyrën për të parë vetveten deri në vitin 2007, duke i thënë se je thellësisht i korruptuar.
Prandaj, Berisha shpif në 2025 dhe thotë e ka shkarkuar si të korruptuar. Përkundrazi, ishte Rusmaili ai që i tregoi Berishës se sa i korruptuar ishte ai dhe familja e tij. /TEMA/
