Vladimir Putin njoftoi se Rusia ka zhvilluar vaksinën e parë efektive kundër koronavirusit. Ajo është krijuar nga Instituti Gamaleya. “Me sa di unë,” tha Putin, siç raportohet nga agjensia ruse Ria Novosti , “këtë mëngjes u regjistrua vaksina e parë kundër koronavirusit në botë. E di që është efektive, që krijon imunitet të qëndrueshëm dhe i ka kaluar të gjitha kontrollet e nevojshme“.
Sipas Ministrit të Shëndetësisë Mikhail Murashko, cituar nga agjensia Interfax , vaksina stimuloi “një nivel të lartë antitrupash” në të gjithë vullnetarët, dhe asnjëri prej tyre “nuk kishte efekte anësore“.
Putini tha se një prej dy vajzave të tija mori pjesë në testimin e vaksinës. “Pas dozës së parë, temperatura e saj u ngrit në 38 gradë për një ditë, pastaj u kthye në 37 gradë”.
Më tej kreu i kremlinit deklartoi se pas dozës së dytë, rritja e temperaturës do të ishte e kufizuar.
Një nga dy vajzat e Putinit ishte Maria Vorontsova , një endokrinologe. Putini nuk ka konfirmuar kurrë emrat e dy vajzave, as moshën e tyre, as punën e tyre, shkruan Corriere.
Fushata e vaksinimit duhet të fillojë me punënjësit e sektorin të Shëndetit dhe Edukimit “që në Shtator”, ndërsa vaksina më pas duhet të shpërndahet tek popullata “nga 1 janari 2021”.
Disa javë më parë qeveria njoftoi një fushatë vaksinimi masiv për vjeshtën .
Për momentin, megjithatë, nuk ka asnjë konfirmim shkencor të pavarur për këtë zbulim. Për këtë arsye, deklaratat në lidhje me përshpejtimin rus kishin lënë dyshime dhe ngatërresa./ Javanews
g.kosovari
