Një grua nga Elbasani e cila ka rezultuar e infektuar me koronavirus në 24 orët e fundit është rast i ri për të cilin ministria e Shëndetësisë tha se po hetohet kontakti që ka pasur.
Gruaja dyshohet që është infektuar në Tiranë, ku kishte marrë pjesë në një ceremoni mortore më datë 31 maj, pasi i kishte vdekur mamaja për shkaqe natyrale.
Aktualisht gjendja e saj shëndetësore është e qëndrueshme dhe është izoluar ne banesën e saj. Sakaq, ditën e djeshme u bë edhe dezinfektivi i banesës.
Në 24 orët e fundit janë kryer 291 testime nga të cilat janë konfirmuar 44 raste pozitive, përkatësisht, 22 raste në Tiranë, 6 në Krujë, nga 4 raste në Durrës, Kamëz, Shkodër, 2 raste në Lushnje dhe nga 1 rast në Vlorë, Elbasan.
Rastet e konfirmuara janë kontakte të rasteve pozitive por edhe shume raste të reja që janë në hetim në Shkodër, Elbasan, Vlorë.
g.kosovari
