Vetëm pak ditë pasi kandidati i PD për Këlcyrën u përjashtua nga vetë forca e tij politike nga gara, banorë të qytetit në fjalë janë ngritur në protestë pro kandidimit të tij.
Gentjan Muhametaj u njoftua se nuk do të vazhdojë garën nga vetë PD dhe e gjithë kjo tërheqje në kuadër të pastërtisë së figurave dhe dekriminalizimit të politikes.
Shtypi i ditës shkroi se Muahmetaj kishte fshehur rekorde kriminale të së shkuarës, ndërkohë që ditën e sotme tërheqja e Muhametajt nga ana e PD u përshëndet nga Ambasada Amerikane në Tiranë.
Por demokratët e Këlcyrës kanë kërcënuar se do të grisin teserat e partisë nëse Muhametaj nuk do të kandidojë për bashkinë. Në lidhej me “kryengritjen” e sotme pritet mbledhja urgjente e kryesisë së Partisë Demokratike Dega Përmet.