Në Gjykatën e Tiranës pritet të përballen Shërbimi Informativ Shtetëror dhe Prokuroria e Përgjithshme. Kjo pasi ështët kreu i SHISH Visho Ajazi Lika i cili ditën e sotme ka depozituar një kallëzim penal ndaj organit të Akuzës, pasi prokuroria ka pushuar hetimet pas një kallëzimi të SHISH.
Nga të dhënat e padisë depozituar në Gjykatën e Tiranës bëhet fjalë për një kallëzim të vitit 2014 të pushuar nga prokuroria, teksa SHISH kërkonte nisjen e hetimeve për një tjetërsim të pronës së këtij institucioni me dokumente të falsifikuara.
Në padinë e depozituar më 13 maj të këtij viti, gjykatësi Ardian Kalia një ditë më parë vendosi të nisë gjykimin ku më 1 qershor seanca u zhvillua për pak minuta dhe mungesa e përfaqësuesit të prokurorisë u bë shkak për shtyrje.
Palët pritet të përballen në gjykatë tashmë më datë 16 qershor, ku gjykata do të vendosë për të detyruar prokurorinë të rihapë hetimet për falsifikimin e dokumenteve apo të lërë në fuqi vendimin e pushimit duke rrëzuar kërkesën e SHISH.
